DUBAI, AP.- Un funshonario di gabinete di presidente Donald Trump i un di su asesornan a duna diskursonan pagá na un grupo di eks aliadonan iraní.

Elaine Chao konfirmá e siman aki komo sekretaria di transporte di Trump i e eks alkalde di New York Rudy Giuliani a risibí sèn pa a duna un diskurso na un grupo Muyaedin e Khalq konosí pa e abreviashon di MEK.

E organisashon a mata merikanonan promé ku e revolushon islámiko di 1979 na Iran i mas despues a risibí apoyo di e diktador irakí Saddam Hussein. Mek tambe a organisá estafa di donashon i algun di su miembronan a sende kandela den protestanan pa aresto di nan lider.

Chao a risibí 50 mil dòler na 2015  a kambio di duna un diskurso di 5 minüt na e ala polítiko di MEK. Guiliani tambe a keda pagá un suma deskonosí pa a papia na e grupo. Mas di dos dosein di eks funshonario merikano, tantu republikano komo demókrata a papia dilanti di MEK entre nan eks presidente di kámara di representante i konseheronan di Trump, Newt Gingrich. Algun di nan a rekonosé públikamente ku nan a duna diskurso a kambio di risibí sèn i otronan no.

Ounke nada a prohibí pa nan duna diskursonan pagá, tin interogante riba e influensia ku eks aliadonan por tin riba e gobièrnu nobo di Trump.

Vários eks funshonario merikano entre nan Guiliani a skibi den un karta pa Trump luna pasá, pidiendo e pa establesé un diálogo ku e brasa polítiko di MEK. E grupo di eks aliado por haña mas habrí ku nunka e portanan di e gobièrnu di Trump.

LAGA UN KOMENTARIO

Please enter your comment!
Please enter your name here