BERLIN (AP).- E presidente sirio Bashar Assad a bisa den un entrevista transmití ayera ku e no ta teme enfrentá e mesun destino ku e èks mandatarionan di Libia i Egipto a enfrentá, i el a afirmá ku e no tin nada den komun ku nan.
Den un entrevista konsedé na prensa oksidental for di despues ku e lantamentu popular mortal a kuminsá aña pasá na Siria, Assad a neglishá un pregunta si e tabata teme pa su famia, inkluí su kasá i tres yunan.
‘ E ta un si tuashon kompletamente diferente’, asina Assad a bisa na e emisora di radio aleman ARD. ‘Loke ta sosodiendo na Egipto ta diferente di loke ta pasando na Siria. Bo no por kompar’é’, asina el a bisa.
El a rechasá tambe e komparashonnan ku Libia, kaminda e rebeldenan ku yudansa di e atakenan aéreo di OTAN a tumba e régimen. E lider libio Moammar Gaddafi a wòrdu asesiná ora el a hui ora e rebeldenan tabata avansá.
E 16 lunanan di agitashon na Siria, derivá di e movementunan pro demokrátiko ku a surgi den e mundu arabir, a laga mas di 14.000 morto, di akuerdo ku aktivistanan, ku ta akusá e gobernante outókrata di a kuminsá un guera kontra su mes pueblo pa kaba ku e protestanan legítimo den kua nan ta eksigí reformanan.
Pero den e entrevista, Assad, di 46 aña, ku a goberná Siria for di despues ku el a heredá e poder di su tata na 2000, a akusá Merka di a rebibá elantamentuiabisaku Washington ta responsabel pa e mortonan di sivilnan inosente den su nashon.
