NEW YORK, MERKA, AFP.- Un korte di apelashon merikano a anulá pena kapital pa e atakante di ‘Boston Marathon’ Dzhokhar Tsarnaev djabièrnè i a duna òrdu pa un proseso nobo den korte.
Tsarnaev, 27, a wòrdu sentensia ku morto na aña 2015, despues ku el a pone dos bòm na final di e máratòn na aña 2013, matando tres persona i heridando 264 mas.
El a atmití di a ehekutá e atake ku su ruman grandi, Tamerlan Tsarnaev, kende a muri kuater dia despues den un tiroteo ku polis.
Abogadonan di Tsarnaev a pidi pa un huisio nobo, indikando ku esaki no mester a tuma lugá na Boston dor ku e siudat a keda troumatisá pa e atake. Ademas, nan a kuestioná neutralidat di dos hurado, kende a gaña tokante un kombersashon relashoná ku e kaso riba medio sosi
