ISLAMABAD, AP.- E grupo Estado Islámiko a deklará responsabel pa un atake suisidio kontra un merkado na Quetta djasabra, na sùitwèst di Pakistan, kual a laga 20 morto e dia promé.
Milisia suni, kual a multipliká e atakenan kontra e minoria shiita pakistani a bisa den un komunikado ku e blanko tabata e shiitanan i efektivonan di ehérsito.
Polis a bisa ku un persona suisidio a ataká e siudat djabièrnè, a mata ocho shiita, un sòldat paramilitar i algun persona mas. Kuater efektivo paramilitar ku tabata supervisá e área a resultá entre e 40 personanan heridá.
Imágennan di televishon lokal a mustra vários tienda destrosá i por lo ménos un vehíkulo paramilitar.
Un ratu despues di e atake ku a tuma lugá serka di un zona residensial shiita, diferente hóben shiita a manifestá na Quetta eksigiendo mas seguridat di parti di outoridat i pa detené esnan responsabel pa e atake.
E lider di komunidat hazara. Qadir Nayil, a pidi gobièrnu mas protekshon pa e shiitanan.