BAGHDAD, AP.- Un milisia respaldá pa Iran a bisa djaluna ku algun atake merikano na Irak i Siria a laga un saldo di morto ku a subi na 25. E atake tabata kontra milisianonan i nan a hura ku lo venga “di e agreshon di e merikanonan aki”.
E anunsio na Baghdad a sosodé un dia despues ku e sekretario di Defensa di Merka, Mark Esper a bisa ku Washington a lansa atakenan militar kontra e milisia respaldá pa Iran, kual a mata un kontratista na Iran siman pasá.
E sekretario di Estado, Mike Pompeo a bisa ku e atakenan ta mustra ku Merka no ta tolerá akshonnan ku ta pone e merikanonan di bida na peliger. Forsanan armá merikano a bisa ku lo realisá “atakenan militar defensivo” kontra sinku posishon di Kataeb Hezbollah na Irak i Siria.
Merka ta kulpa e milisia pa un atake di djabièrnè, kaminda un rakèt a mata un kontratista militar merikano den un instalashon militar serka di Kirkuk, na nort di Irak. Funshonarionan a bisa ku e atake a lansa sigur 30 rakèt.
