….E planta nuklear Barakah….
ABU DHABI, EMIRATO ARABE UNI, AFP.- Un atake ku drone a provoká kandela serka di un sentral nuklear den e emirato di Abu Dhabi djadumingu, segun indikashon di outoridatnan, señalando ku no tabatin herido ni impakto na nivel di radiashon.
Ministerio di Defensa di Emirato Árabe Uni a indiká ku e drone ta un di e tres dronenan ku a “drenta e pais na parti wèst di frontera”.
“Ta investigando e suseso pa determiná orígen di e atakenan, i lo publiká un update na momentu ku konkluí e investigashonnan”, asina e ministerio a añadí.
E asesor presidensial di Emirato Árabe Uni, Anwar Gargash, a referí na Iran i su aliadonan regional na momentu ku el a kondená e atake.
Sentral Nuklear Barakah a kuminsá ku su operashonnan na aña 2020 i ta 200 kilometer na wèst di e kapital di Emirato Árabe Uni, Abu Dhabi, serka di frontera ku Saudi Arabia i Qatar.
“Outoridat Federal di Regulashon Nuklear (FANR) a konfirmá ku e kandela no a afektá seguridat di e planta di operashon di su sistemanan esensial, i ku tur unidat ta sigui funshoná normal.
