WASHINGTON (AFP).- Un atake riba un supuesto lancha di narkotrafikantenan ayera a mata tres persona den laman Karibe, segun Komando Zuit norteamerikano. Merka for di sèptèmber último a kuminsá ataká barkunan supuestamente ta kargá ku droga, i e último atake ta hisa e sifra di mortonan na por lo ménos 150.
E boto tabata move riba rutanan konosí di narkotráfiko den Karibe i tabata envolví den operashonnan di trafikashon di droga”, segun Komando Sur, responsabel di forsanan norteamerikano den e region, den un publikashon riba X ku a inkluí un lancha na momento di keda destruí pa un eksploshon.
Gobièrnu di Donald Trump a insistí ku e ta den guera ku loke el a denominá komo “narkoterorista” ku ta operá den Amérika Latina, pero no a presentá pruebanan ku e barkunan ku a keda ataká tabata envolví den tráfiko di droga.
Ekspertonan di leinan internashonal i organisashonnan di derechinan humano ta bisa ku e atakenan ta ehekushonnan pafó di lei, ya ku aparentemente nan tabatin komo meta sivilnan ku no ta representá un menasa inmediato pa Merka.
