NICE, FRANSIA, AP.- E presidente di e region kaminda Nice ta inkluí a bisa ku e trùk ku a kore i drenta un multitut selebrando Dia di Bastilla den e siudat, tabata yen di arma i granada. Polis a tira e konduktor di e vehíkulo aki.
Christian Estrosi, a bisa na BFM TV ku e “shofùr a tira kontra e multitut, segun polis ku a mat’é”.
Estrosi a bisa ku e vehíkulo tabata wòrdu manehá pa un persona ku ” komportamentu kompletamente premeditá”. El a agregá ku e trùk tabata yen di arma i granada.
Un po l í t i ko di e departamento Alpes- Maritime, ku ta inkluí Nice a bisa ku e trùk a dal kontra un multitut i a sigui avansá pa un distansia di dos kilometer, kual a laga 80 persona morto i 50 heridá.
“Prokurador di Paris a kuminsá un investigashon pa “asesinato, intento di asesinato den un grupo organisá vinkulá ku un organisashon terorista”.
Por a mira imágennan ku Prensa franses a transmití di personanan koriendo pa nan bida riba e promenade des Anglais. Riba video por a mira hòmber i muhénan koriendo pa nan bandoná e lugá.
“Un trùk blanku enorme a paresé ku velosidat hopi haltu i e shofùr a bira su stürwil pa dal mas tantu hende posibel”. Asina Damien Allemand, periodista di Nice Matin a indiká.