KIEV, UKRANIA, AFP.- Presidente Volodymyr Zelensky a bisa djárason ku el a bishitá posishonnan militar serka di pueblo di Bakhmut na ost di Ukrania, segun misilnan ruso a alkansá edifisionan residensial, leshonando desénas di persona.
Por lo ménos un persona a muri i 32 mas a sali heridá den un edifisio ku apartamento na Zaporizhzhia, un siudat serka di e ‘frontline’.
Durante di su bishita serka di Bakhmut, kaminda e guera di mas largu i sangriento di Rusia su invashon ta tumando lugá, Zelensky a rekonosé ku su trupanan tin un trabou “difísil”
Forsanan ruso i ukraniano a invertí hopi den e bataya pa Bakhmut, ounke analistanan a bisa ku e siudat no tin muchu balor stratégiko.
Kiev a bisa ku e pueblo ta importante pa tene forsanan ruso for di e front na ost kompleto.
