BEIRUT, AP.- Aktivistanan di oposishon sirio a informá ku e atakenan aéreo di gobièrnu a impaktá sinku klínika den provinsia di Alepo, na nort di e pais, kaminda violensia a intensifiká den último simannan.
Opservatorio Sirio pa Derechonan Humano ku sede na Gran Bretaña a detayá ku kuater klínika ta for di servisio den e siudat di Alepo, inkluyendo un mas den pueblo di Atareb, nèt na wèst di e kapital di e provinsia.E aktivista, Baraa al-Halaby, ku sede na Alepo, a konfirmá ku e sinku klínikanan a risibí impakto, i a agregá ku un beibi a muri den un klínika den bisindario di Shaar, den oranan trempan di djadumingu.
Siman pasá, forsanan di gobièrnu sirio i su aliadonan a rondoná teritorio kontrolá pa rebeldenan di Alepo, un siudat ku tabata den disputa desde yüli na 2012.
Residentenan a reportá skarsedat di alimento den zonanan di e siudat kontrolá pa rebeldenan.
