QUITO, ECUADOR, AP.- Presidente Rafael Correa a bisa djamars ku e detenshon di kuater aña di Julian Assange den embahada di Ecuador na London, pa preshon di Gran Bretaña i Suesia ta afektá e derechonan humano di e kreador di WikiLeaks.
Den un konferensia di prensa, el a bisa ku “mi ta kere ku nan ta atentando kontra e derechonan humano di Julian Assange. Resientemente el a sufri un kebrante di salú i mi no sa si el a rekuperá. Si bo ta keda será durante kuater aña den un espasio chikitu asina sin haña lus di solo ta afektá bo salú”.
El a indiká ku “mi no sa si mi por yama esaki un tortura, pero sikiera di un afektashon klaro di derechonan humano di Julian Assange”.
El a agregá ku e si tabata trata di un persona será pa preshon di Ecuador “nos lo ta den Korte Interameirkano di derechonan Humano, den Komishon Interamerikano di Derechonan Humano, den Korte di Den Haag. Nos lo wòrdu akusá komo kriminal, diktador i tur eseinan. Aworakí nada no ta pasando den e kaso di Assange i henter mundu ta wak den un otro direkshon”.
E aktivista oustraliano ta den e embahada di Ecuador den London desde yüni di 2012, pa evitá su ekstradishon pa Suesia, kaminda e ta enfrentá akusashonnan pa delitonan seksual, kual el a ninga. Ademas, e tin miedu ku unabes e ta einan, e ta keda
