KABUL, AP.- Dos atentado suisidio di Taliban a mata por lo ménos 48 persona djamars i a heridá diferente mas, riba e dia mas violento desde ku a deklará un akuerdo di pas ku e insurgentenan komo un frakaso.
Taliban a bisa ku un di e atentadonan, un motersaikel kargá ku eksplosivo, su ophetivo tabata pa ataká e kampaña elektoral di presidente Ashraf Ghani. Ghani tabata durante e atentado pero e no a resultá heridá, segun indikashon di su hefe di kampaña.
E eksploshon aki a laga 26 persona morto, segun e bosero di ministerio di Interior, Nasrat Rahimi. El a agregá ku tabatin kuater militar morto entre e víktimanan. 42 persona mas a resultá heridá, mayoria tabata muhé i muchanan.
Un di dos atentado den kurason di Kabul, no leu di e embahada di Merka, e grupo Taliban a bisa ku e ophetivo tabata un base di ehérsito afgano. 22 persona a muri, segun indikashon di funshonarionan di gobièrnu. Mayoria mas a resultá heridá.
E elekshon presidensial di e pais ta tuma lugá riba 28 di sèptèmber, kual e talibannan ta kontra dje. E grupo insurgente a atvertí e siudadanonan pa no vota i a atvertí ku lo ataká sentronan di votamentu i aktonan elektoral.
