Atrakadónan a bai ku suma grandi

Nèt kliente a yega banko pa depositá

WILLEMSTAD.-Awe mainta un empresario a yega banko PSB na Goisco pa bai depositá e plaka, pero na e momentunan ei tabatin dos otro hòmber a atraká e empresario aki i bai ku e plaka, asina bosero di polis Imro Zwerwer a konfirmá pa EXTRA.

Polis no tin muchu detaye ainda pero e loke ta disponibel ta ku e atrakadónan a bai ku un suma konsiderabel for di e empresario. Un ratu despues a logra haña e outo ku a keda usá den e atrako den área di Groot Kwartier. A trata na sende e outo na kandela pero bomberonan a logra paga e kandela i posiblemente por a skapa pruebanan importante. E atrakadónan a sigui move den otro outo. Polisnan ta investigando e kaso aki. Mas detaye den edishon di EXTRA.

SHARE

LEAVE A REPLY