ORANJESTAD – Awe diasabra ta un dia cu miles di turista ta yega Aruba y miles ta sali tambe pa bolbe bek nan pais. Awe mainta biento na Aruba a cay y na Dump di Parkietenbos kimamento a sigui manera cu nada no a pasa. E holor stinki aki ta yega te na Aeropuerto y e hotel nobo Hyatt Place. Trahadornan di car rentals a conta nos cu hasta den e autonan di huur cu nan a caba di laba e holor malo di dump ta drenta. “Tin turista ta puntra nos dicon e auto ta hole kima, hasta nos pañanan ta keda hole kima y stinki.” Ta increibel pa mira con diferente gobiernonan no a resolve e problema aki di maneho di desperdicio debidamente y awe el a bira un sero grandi di sushi cu bo ta mir’e asina cu bahando cu avion na Aruba, un berguensa nacional. Casi por bisa cu e Dump di Partietenbos a bira un di e serunan mas halto na Aruba despues di Arikok, Jamanota y Hooiberg. Awor e holor di kimamento continuo na e sitio, ora cu biento bira, ta afecta Aeropuerto, hotel y turismo mas y mas, pa no papia mes di e pober habitantenan cu ta biba den e besindario. Recientemente WHO a declara cu hala rosea di aire limpi ta un derecho humano y nan a publica e criterianan cu paisnan mester cumpli cu ne. Nos ta hopi sigur cu aki na Aruba ta viola tur e criterianan aki flagrantemente.

LAGA UN KOMENTARIO

Please enter your comment!
Please enter your name here