Atrobe huida for di prizon Aruba

ORANJESTAD,- Polis di Aruba ta informá awe mainta ku un bia mas a tuma lugá huida di presu for di prison KIA. Den e kaso aki ta trata di dos presu ku a hui, Jorge Antonio Ramirez (1999) i Joander Anthony Ramirez (2000). Tur dos detenido ta sintando kastigu relashoná ku kaso di atrako ku nan a kometé.

Polis rubiano a kuminsá move mesora mobilisando tur outoridat pa logra gara e fugitivonan aki. Un bia mas polis ta enfatisá ku kualke hende ku di un otro forma brinda yudansa na e hendenan aki ta kometé un akto kastigabel pa lei. Artíkulo 2:146 di e Kódigo Penal ta indiká ku esun ku liberá òf yuda un persona ku tin un kastigu di prison ta kastigabel ku un máksimo di 4 aña di prizon. Pa e motibu ei ta urgí pueblo di Aruba pa esun ku sa algu pa avisá polis na 11141.

SHARE

LEAVE A REPLY