WILLEMSTAD – Awe mainta e kuerpo di brantwer na Barber a tuma nota ku kriminalnan sin heful un biaha mas ta hòrta material importante di reskate for di nan. Un kuerpo ku tei pa traha na servisio di pueblo na momentunan difísil. Tipo di robonan aki ta pone ku e kuerpo importante aki di nos komunidat no por ehekutá nan trabou na momentu ku esaki ta nesesario. Esaki sigur ta por lo ménos di kuater biaha den último añanan ku brantwer ta bira víktima di e tipo di ladronisia aki. Mesora nan ta pidi komunidat asistensia si a kaso tin algun informashon òf si por tuma nota di e materialnan aki ku mayan tei a yuda nan mes òf asta e kriminalnan aki mes. Na mart 2022 un robo igual a tuma lugá na kazèrne di Rio Canario. Na Mundu Nobo tambe un robo asina aki a tuma lugá den pasado. Brantwer ta usa e ekipo di reskate den kaso di aksidente di tráfiko, kaminda hende ta keda pegá den vehíkulo, tambe den kaso di kandela na kas i edifisionan, kòrtamentu di palu i vários otro kaso.
