WILLEMSTAD – Atrobe un outo a keda pegá na kandela na Kòrsou. E biaha aki un Suzuki Swift kòrá a keda kompletamente destruà despues ku esaki a tuma lugá den oranan di mardugá den Arraratweg.
Alrededor di 3:35’or di mardugá Brandweer Steenrijk a risibà notifikashon di un outo na kandela na e sitio ya menshoná. Na yegada bomberonan a topa ku e Suzuki Swift kompletamente na kandela. E situashon tabata serio, ya ku e kandela tabata menasá pa ekspandé i kue un kas i un otro outo ku tabata den serkania. Ku un bon trabou, bomberonan a logra dominá i paga e kandela, evitando asina ku otro propiedatnan a ser afektá. No tabatin nesesidat pa asistensia adishonal.
Durante investigashon na e sitio a haña tapa di un jug ku lo tabata kontené lÃkido flamabel, ku ta sospechá a ser usá pa pega e outo na kandela. E ta un di e elementonan importante pa e investigashon.
E kaso aki ta otro den e seri di kimamentu di outo di hende ku ta tuma lugá últimamente i tambe por keda najdi na e lista ku kada bes ta bira mas largu. Investigashon mester determiná ken ta responsabel pa e kimamentu i si tin algun relashon ku otro kasonan anterior.
