LONDON,AFP.- Inglatera i Eskosia a anunsiá ‘Lockdown’ total nobo ayera konfrontando un ola nobo di Coronavirus miéntras ku Union Oropeo ta enfrentá krítika pa e poko poko ku nan ta den e proseso di aprobashon di vakuna.
E anunsionan di ‘lockdown’ nobo a yega mesun dia ku Gran Bretaña a start ku un kampaña ku 530 mil dósis di vakuna AstraZeneca den su lucha pa kontrolá un ola nobo di infekshon ku ta menasá ku desbordá e sistema di salú públiko.
“Nos tin di hasi mas, huntu, pa por pone e variante nobo bou di kontròl miéntras nos ta distribuí vakunanan nobo”, segun e promé minister britániko Boris Johnson a bisa den un mensahe kòrtiku na e nashon, transmití den e momentu ku tin mas oudiensia anochi.
Hopi eksperto ta konsiderá e vakuna AstraZeneca i e universidat di Oxford komo esun ku lo marka hit den e vakunashonnan pasobra e no ta rekerí temperatura asina friu pa su almasenahe manera esun di Pfizer-BioNTech i Moderna.
Esei lo nifiká un akseso mas grandi di e vakuna den regionnan mas pober di mundu kontra COVID-19 ku ya a infektá 85 mion di persona ku mas di 1,8 mion di morto registrá.
