BERLIN, AP.- Dos djèt di forsa aéreo aleman a dal den laira, durante un mishon di práktika na nortwèst di Alemania. Esaki a laga un pilot morto, segun indikashon di outoridat.
E otro piloto por a ekspulsá su mes for di e djèt i sobreviví, segun forsa aéreo aleman.
E djètnan desarmá a dal serka di mago Mueritz, 100 kilometer na nort di Berlin. Un piloto mas ku tabata partisipando en e práktika a mira ku dos parashüt a baha riba tera despues di e dalmentu den estado Mecklenburg Pomerania Oksidental.
Polis di Neubrandenburg a bisa ku un di e pilotonan a wòrdu deskubrí na bida den un mondi. Ekiponan di reskate a haña restunan humano tambe serka di pueblo Silz, segun polis.
“Nos a reskatá un di e pilotonan pero e tabata morto”, asina forsa Aéreo a bisa riba Twitter.