E presidente ukraniano Volodymyr Zelenski i su kasá Olena Zelenski na entiero di Rei Harald di Noruega ayera.
OSLO, Noruega (AFP).- E avion ku tabata transportá e presidente ukraniano, Volodimir Zelenski, di Moldavia pa Oslo kasi a keda alkansá pa un drone, segun e promé minister noruego, ounke un fuente ukraniano a sigurá ku e insidente no tabata grave i no a pone e mandatario den riesgo. “Su buelo kasi a keda alkansá pa un drone ora ku e tabata lanta buelo pa Moldavia. Esei ta e realidat den kua nos ta biba”, segun Jonas Gahr Store na televishon públiko di Noruega.
Zelenski a yega Oslo djamars anochi, sin duda detaye. Pero un fuente di presidente ukraniano a splika e vershon den deklarashon na AFP. “A trata di un alerta den Moldavia, ora un drone ruso a penetrá den e espasio aéreo di Moldavia i Rumania’, segun el a splika. E fuente a kalifiká komo “eksaherá” e deklarashon ku Zelenski lo a kore riesgo.
Di su parti, e bosero di gobièrnu moldavo, Dumitru Ciorici, den un komunikado a bisa ku Moldavia “a sera su espasio aéreo den oranan di atardi di 8 di sèptèmber, poko despues di 16:30, despues di violashon di su espasio aéreo pa un drone ruso prosedente di Ukrania. “Despues di 17:20, outoridatnan a konfirmá ku e drone a kai i a eksplotá na 160 km for di aeropuerto internashonal di Chisinau. Na e momento ei a lanta e restrikshonnan i e avion dje presidente ukraniano a lanta buelo un poko mas lat ku tabata e intenshon”.
