MOSCOW, RUSIA, AFP.- Un avion ku parashutistanan a kai matando diesseis hende na bordo na Rusia djadumingu, segun e ministerio di emergensia.
E avion L-410 ku 22 persona na bordo a aksidentá alrededor di 9:23 di mainta serka di pueblo Menzelinsk den repúblika di Tarastan, segun indikashon di e ministerio riba su kanal di telegram.
“A reskatá seis persona i saka 16 sin señal di bida”, segun e ministerio a bisa. E sobrebibientenan a wòrdu transportá pa hospital.
Presidente di Tatarstan, Rusam Minnikhanov a bisa ku e pilotonan a informá outoridatnan di un fayo di motor i a pidi pa hasi un aterisahe di emergensia algun ratu despues ku e avion a lanta buelo.
El a agregá ku e avion a purba evitá di aterisá riba kasnan. Pero e avion su ala a dal den un trùk i bòltu durante e aterisahe di emergensia.
Investigadónan ruso a inisiá un investigashon kriminal pa violashon di reglanan di seguridat
