Avion militar a kai ku 125 persona na bordo

Riba e potrèt esena di e aksidente

BOGOTA, COLOMBIA, AFP.- Un aksidente di un avion militar ku a kai ayera na parti sùit ost di Colombia ku 125 persona na bordo a laga por lo ménos 8 morto i kantidat di persona heridá, segun outoridatnan kolombiano a informá.
E avion Hercules a dal poko buèlta despues di a lanta den oranan di mainta di Puerto Leguizamo, serka di frontera ku Ecuador, pa motibunan te ainda deskonosí. Ekiponan di reskate a keda mandá pa e zona.
Un balanse di Forsanan militar, kompartí pa presidente Gustavo Petro riba X ta papia di 8 morto i 77 herido te na e momentu ei. E situashon di e otro personanan, kasi 40, ta pendiente.
Petro tambe a kompartí un video den kua por mira e avion tratando di tuma altura promé di a bai tera bèk.
E mandatario a bisa riba X ku tabata un aksidente hororoso ku no mester a sosodé i a referí na e nesesidat di modernisá e flora militar, sin bisa spesífikamente si esei por tin di aber ku e kousa di e aksidente.
E ehérsitonan di Colombia i Ecuador ta kombatí e kartelnan poderoso ku a poderá di e zona fronteriso, kaminda a registrá aktividatnan militar fuerte bombardeonan den e último simannan.