BELO HORIZONTE (AFP).- Ayera tardi un avioneta a bai dal kontra di un edifisio residensial na Belo Horizonte, un siudat den zùitost di Brasil, ku resultado di tres morto i dos herido grave. E morto dje piloto i ko-piloto a sosodé na momento dje aksidente, miéntras tres otro okupante a keda trasladá pa hospital kaminda unu a fayesé.
Ningun hende den e edifisio no a sufri herida, miéntras ku e edfiisio no a keda den kondishon ku riesgo di basha’bou. Imágennan grabá for di un helikòpter pa e kadena lokal TV Globo ta mustra e avioneta na momento di pèrdè altitut i a bira pa banda robes den intento pa purba evitá di dal den un edfiisio. Despues tòg el a bai dal kontra di un otro edifisio.
Segun sifranan di Sentro di Investigashon i Prevenshon di Aksidentenan Aéreo, den 2025 a registrá 153 aksidente aéreo na Brasil, ku un saldo di 62 morto.
