TEGUCIGALPA ( AP).- Un avioneta ku matríkula kolombiano kargá ku kokaina, a kai ayera den e region ost di Hondúras, asina polis a informá.
‘ E bimotor a kai na tera awe (ayera) mardugá ora el a hui pa avionnan i helikòpternan di Hondúras ku tabata persiguié, i el a pega na kandela despues di a dal den dos palu di mata kantu di un riu’, asina e bosero di Sekretaría di Seguridat, komishonado Héctor Iván Mejía, a bisa.
Mejía a bisa ku ‘un pilot amuriieotroaresultá gravemente heridá i ta hospitalisá’. Polis a bisa anteriormente ku e dos pilotnan a muri.
Entre e restunan di e avioneta a haña mas o ménos 20 bulto ku tabata kontené mas di 600 kilo di kokaina.
Mejía a bisa ku mayoria di e droga a keda redusí na shinishi, i nan ta kalkulá ku e avioneta tabat a transportá mas droga, ku a kima.
El a bisa ku e nashonalidat i identidat di e pilotnan no tabata konosí.
Segun Mej ia den e operashon di búskeda di e restunan a partisipá agentenan di e agensia antidroga merikano DEA.
E avioneta tabata bula riba ost di Hondúras serka di e frontera ku Nicaragua promé ku el a kai den serkania di Los Lirios, mas o ménos 350 kilometer na ost di Tegucigalpa.
Den 2011 polis a konf i ská mas di 22 ton di kokaina i tres narko- supmarino chikí prosedente di Colombia. Tambe a destruí mas o ménos 21 pista klandestino den diferente lugá komo parti di e lucha intenso ku e pais ta hiba pa kombatí e kresiente aktividat di narkotrafikantenan.
Segun gobièrnu, anualmente mas di 100 ton di kokaina ta pasa via e teritorio hondureño prosedente di Colombia i ku destino Merka.
