Gradisimentu i Invitashon
famia di

Dft. Lillian Teresa Fraay

Kièr a gradisí tur famia, amigu(a)nan,bisiñanan i konosínan ku a kompañá nos na ora di fayesimentu i entiero di nos defuntu stimá. Danki na tur esnan ku a manda WhatsApp, mensahenan via media sosial i yamadanan di telefòn. Danki na un i tur ku a manda un flor òf krans i òf a duna bo donashon na Arco Cavent. Boso sosten i presensia tabata un gran konsuelo pa nos.
Nos kièr ekspresá un gradisimentu spesial na tur esnan ku a asistí na entiero i ku a warda ku pasenshi den e rei largu pa saludá i konsolá nos famia. Nos ta sinti hopi pena pa esnan ku mester a bai promé ku por a kuminda famia debí na e gran kantidat di hende presente. Danki di kurason pa boso esfuerso.Na tur esnan ku a bin honra memoria di nos mama, un biaha mas nos ta gradisí boso di kurason. Boso presensia, amor i sosten lo keda pa semper den nos memoria.
Di parti Pastor Curtis i Terence i famia kompletu, un danki di kurason. Alabes nos ta invitá na tres Santu Sakrifisio di Misa pa deskanso di nos defuntu riba djaweps 25, djabièrnè 26 i djasabra 27 di yüni pa 7’or di anochi na Misa di Maria Auxiliadora Sta. Maria.
Aseptá esaki komo un invitashon personal.