Gradisimentu i Invitashon
Famia di e defuntu:
Eusebio Siro Elizabeth
Mihó konosí komo Siro di Jaja.
Èks empleado di DOK
Kièr a gradisí di kurason tur famia, amigu i konosínan ku a mustra nan amor, sosten i partisipashon durante e despedida di nos ser kerí. Un danki ta bai na kas di kuido Mi Kompaño i doktorá Menendez. Na tur esnan ku a manda flor òf krans, yamada di telefòn, mensahe via WhatsApp of medionan sosial.
Boso presensia, palabra i gesto a duna nos un gran konsuelo den e momentunan difísil.
Alabes nos kièr a invitá boso na un Santu Sakrifisio di Misa pa deskanso di alma di nos kerido defuntu, kual lo tuma lugá Djasabra 2 di mei 2026, pa 18:30 na Parokia di Santa Rosa.
Aseptá esaki komo un invitashon personal.
