Gradisimentu i Invitashon
Kasá, mama, yunan di kriansa, rumannan i demas famianan di nos kerido defuntu:
Faisel A. Henriquez
Kièr a gradisí di kurason tur famia, amigu i konosínan, ku a mustra nan amor, sosten i partisipashon durante e despedida di nos ser kerí. Un danki di kurason tambe na tur esnan ku a manda flor/ krans, yamadanan di telefòn, mensahenan di WhatsApp i di medionan sosial. Boso presensia, palabranan i gestonan, a duna nos un gran konsuelo, den e momentunan difísil. Un danki di kurason spesialmente tambe, na gerensia i tur èks-koleganan di Lucas Products/ Softex. Alabes ta partisipá, ku lo tin un Santu Sakrifisio di Misa, djasabra 25 aprel, 2026 pa 7’or di anochi, na parokia di St. Maria.
Aseptá esaki komo un invitashon personal.
Despues di misa, NO ta risibí bishita na kas.
