Gradisimentu i Invitashon
Na nòmber di Kasá, rumannan i demás famia di nos defuntu;

Lucio Julian Florentina
Mihó konosí komo Boeboe, Jucho, Lucius, oom Loes, tio Lucio, Esmilio bon Panadero, èks klusjesman

Famia kompletu ke gradisí tur pèrsona ku a mustra atenshon i sostén promé i después di fayesimentu di nos defuntu. Boso atenshon i presensia tabata sumamente apresiá.

Un gradisimentu inmenso pa Dr. Samander di De Savaan i su asistentenan. Tambe kier a duna un danki spesial na famia Florentina pa tur e enkuentronan ku nan a organisá ku tabata momentunan super bendishoná pa Lucio. Su rumannan ku tabata tuma pa bai tur djaluna i tambe su suá Jesmond ku tabata un gran apoyo i yudansa pa ku Lucio su kuido.

Tambe kier gradisí staf i personal di Catharina’s Care inmensamente i Christian Cares Trading pa ku nan servisio. No por lubidá su bisiñanan di Cabo Verdeweg, Kura Piedra, Boris, famia Geertruida i su suá/ruman; John van Bellen.

Nos diskulpa si nos por a lubidá famia òf konosí den e anunsio aki.

Aseptá nos invitashon pa huntu nos asistí na un Santu Sakrifisio di Misa pa sosiegu eterno di nos defuntu:
Djabièrnè dia 3 òktober 2025 na parokia San Dominico na Montaña pa mitar di 7 (6:30 pm) di anochi.

Aseptá esaki komo un invitashon pèrsonal.