Gradisimentu i Invitashon
Kasá, yu, rumannan i demas famia di defuntu
Miriam Noami Jansing – Hoevertsz
Kièr a gradisí tur demas famia, amigunan, bisiñanan i konosínan ku a mustra nan amor, apoyo i simpatia durante e momentunan difísil di fayesimentu i despedida. Un gradisimentu spesial ta bai pa tur hende, tantu na Kòrsou komo den eksterior, ku a yamá, manda mensahe, manda flor òf a mustra nan apoyo i kariño di un manera òf otro. Tur boso palabranan di konsuelo, apoyo, orashonnan i muestra di amor a duna nos hopi forsa i a nifiká hopi pa nos den e tempu difísil aki. Alabes famia ta partisipá ku lo tin un Santu Sakrifisio di Misa ku lo tuma lugá djasabra 19 di Sèptèmber pa 7’or di anochi na Misa di Santa Maria.
Aseptá e invitashon aki komo unu personal.
