Ku gran asombro direktiva, miembro- i guianan di
GRUPO NOS ORGUYO CURACAO 60+
a tuma nota di fayesimentu inesperá di kolega-miembro:
sra. Carmen Clarisse Kunath
kariñosamente yamá, Shon Ka.
Un persona hopi alegre, ku ta gusta ambiente, fuerte di karakter, hopi krítiko i skèrpi den su ponensianan… durante nos biahe-i tournan den bùs semper Shon Ka, huntu ku su dòkternan ta sòru pa grupo no pega soño… Un hilaridat sin fin! un miembro atento i kla pa duna un man ora mester. Na su yu i nietunan ku a stimé asina tantu, nos profundo kondolensia. Nos ta deseá boso hopi forsa den e temporada hopi difísil aki… i ku Señor duna su konsuelo, nos lo keda kòrda Shon Ka semper komo un miembro radiante di alegria pa kontagiá su koleganan. Nos kolega stimá, drumi dushi den brasa di Señor i ku bo alma sosegá den tur trankilidat.
Lo bo keda semper den nos memoria i kurason!
Nota: oportunidat pa tuma despedida di nos kerida kolega:
Dia: 26 mei 2026 – Orario: 9’or – 10:30’or am.
Lugá: El Tributo (o)
