Gradisimentu i Invitashon
Yunan, ñetunan, rumannan i demas famia di defuntu:
Sra. Cicilia Eisden-Nahr
Ta yama danki na tur famia i konosínan ku a kompañá nos na ora di morto i entiero di nos defuntu stimá. Tambe danki na tur esnan ku a manda krans, flor, mensahenan via WhatsApp i medionan sosial. Un danki spesial tambe na Royal Treatment Home Care, Fundashon Ser’i Dòmi, Fundashon JAG, Dòkter i zùsternan di afdeling AOA na CMC. Boso atenshon tabata di gran konsuelo pa nos. Alabes un invitashon ta bai na un i tur pa asistí na Santu Sakrifisio di Misa pa deskanso di alma di nos defuntu stimá ku lo tuma lugá dianan:
24 i 25 Aprel 2026 na Misa di Santa Maria pa 7’or pm.
Aseptá esaki komo un invitashon personal.
