Grupo S.A.K.
Excellent Center in Education
Ku inmenso doló, nos ta partisipá fayesimentu di nos kordinadó, instruktor di lès di Bartender:
STIRLING SAMBRE
Sambre tabata e motor tras di tur evento pa eduká i instruí hobennan i alabes mayornan pa nan haña e oportunidat pa trabou den e sektor di HORECA. Su kompromiso, dedikashon i instrukshonnan tabata e legado ku e kièr a laga atras na momentu ku e no tei mas. Semper e tabata ekspresá ku p’e ta un honor pa kompartí su eksperenshanan ku su pupílonan di tur lokual e’la siña durante añanan. Nos ta hopi agradisí pa loke e’la kontribuí na desaroyo di nos organisashon.
Na nòmber di Direktiva i lidernan di e Organisashon di SAK/ECE
nos kièr invitá tur nos miembronan i studiantenan di SAK, pa kompañá e famia durante e dia di entiero ku ta djabièrnè, 31 di yüli 2026, na El Tributo di 13:00 – 16:00’or, bistí na blusa blanku i parti abou pretu i algu di kòrá manera e kolónan original di un Bartender.
Nos ta deseá famia, amigu- i sernan kerí hopi forsa den e momentunan difísil aki.
