Awaseru di plaka riba kaya na Atlanta
ATLANTA, GEORGIA.- Hopi hende lo ta soña pa eksperensia algu asina! Na Atlanta riba un highway outomobilistanan a ripara ku tin papel ta bula den laira i kai abou riba e kaminda. Ora nan a bai paga mas tinu nan a realisá ku ta plaka di papel ta kai manera áwaseru for di shelu. Masha hopi outomobilista a hala nan vehíkulo na banda mesora, baha i kuminsá piki.
Ta despues nan a han asa ku ta un trùk blindá ku ta transportá plaka su porta a habri i plaka a kuminsá bula afó. Tur hende ku tabata pasa den e área ei tabata para i piki mas tantu plaka ku nan por.
Segun funshonarionan di polis, tur esnan ku a piki e plakanan mester entrega esakinan bek. Kon nan ta bai hasi pa kontrolá esei no ta konosí.
Áwaseru di plaka di papel sigur ta algu ku mayoria hende lo anhelá pa topa un dia den nan bida. Algun hende na Atlanta a toka e suerte ei.
