MADRID, AP.- Seis persona a muri pa motibu di un kantidat di áwaseru ku a inundá outopistanan i diferente pueblo na sùitost di Spaña, segun informashon di outoridat djasabra.

Polis a haña kadaver di un hòmber di 58 aña, kual a keda lastrá pa un koriente di awa, despues ku el a purba baha for di su vehíkulo, segun informashon di e agensia Europa Press.

Ekiponan di reskate a salba míles den awa na sùitost di Spaña, kaminda e yobida di awa a obligá outoridat pa sera aeropuertonan, riel, outopistanan i diferente skol.

E presidente interino Pedro Sanchez a bula ofer di vários sitio afektá den un helikòpter djasabra, i a ekspresá su kondolensia na famia di e defuntunan. E presidente a primintí ku e lo desplegá tur rekurso pa yuda e pueblo rekuperá.

E tormentonan den e zona aki ta sosodé tur aña di nobo, pero e aña aki e tormentonan tabata asina intenso ku mayoria lago i outopistanan a kombertí den un riu di lodo ku  a bari tur loke e haña den su kaminda.

LAGA UN KOMENTARIO

Please enter your comment!
Please enter your name here