Hopi áwaseru a kousa morto di desénas di hende na Angola i okashoná daño serio na infrastruktura di e kapital Luanda.
LUANDA, Angola (AFP).- Áwaseru torensial ku a asotá Angola den e último dianan a provoká 40 morto, segun televishon públiko i trahadónan di reskate dje pais afrikano. E tormenta a provoká inundashonnan direpente ku a daña infrastruktura dje kapital, Luanda, i e siudat sentral di Benguela.
Presidente angoleño Joao Lourenco, a deklará ku e pais ta enfrentá un “lucha kontra di oloshi den e esfuerso pa lokalisá, reskatá i duna asistensia médiko” na esnan afektá.
Benguela ta e parti mas afektá pe inundashonnan ku 23 morto. Seis persona a muri i un ta pèrdí den Luanda. Den e bisiña Namibia, e riu Zambezi a krese i a obligá míles di persona pa sali for di nan kas. Outoridatnan a bisa ku e awa a subi na kasi tres meter riba su nivel normal.
Áwaseru fuerte ta algu normal den zùit di Afrika den temporada di áwaseru, pero sientífikonan ta bisa ku e kambio di klima kousá pa ser humano ta oumentá e probabilidat, ekstenshon i e parti severo di fenómenonan di klima ekstremo.
