Awe Gentz ta lansa ‘We Love MIDI’

WILLEMSTAD.- Kontinuando ku nan tradishon, awe Gentz ta saka e di kuater edishon di ‘We Love’, e biaha aki lo e ta ‘We Love Midi’.
Konsiderá un konsepto úniko di Gentz, e agrupashon musikal ta duna elogio nan agrupashonnan musikal i artistanan ku den pasado a logra éksito. Gentz su forma di duna rekonosementu ta dor di traha un potpuri di hitnan.
Den pasado Gentz a produsí ‘We Love Doble’, ‘We Love Makai’, ‘We Love Tumba’ ku un potpuri di klásikonan di Tumba i awor ta toka turno na e agrupashon musikal MIDI.
MIDI a keda lantá pa rumannan Lodowika na final di 1985 i a logra éksito ku diferente piesa manera ‘Kakalaka’, ‘Bal’i Kueru’, ‘Dos Passos’ i ‘Tempu pa e muhé’, ta presis e éksitonan aki ku Gentz a traha un potpuri kuné i awe esaki lo keda lansa na radio emisoranan lokal.
E potpuri ta keda kantá pa e front di Gentz, Randy, Ray i Henry. Produkshon musikal di ‘We Love MIDI’ tabata den man di músikonan di Gentz i mixing tabata na enkargo di Xemio Jacobs.

SHARE

LEAVE A REPLY