MERKA.- Awe Madonna lo lansa su ‘single’ mas nobo titulá ‘Medellín’, esaki lo ta un kolaborashon ku e kantante kolombiano, Maluma.
Asina e kantante merikano a pone riba su retnan sosial. Djadumingu último el a duna di konosé ku su albùm nobo lo yama ‘Madame X’.
Den luna di febrüari último e dos artistanan a publiká un potrèt kaminda por a mira nan den studio di grabashon.
Maluma, kende anteriormente a produsí e hit ‘Chantaje’ ku Shakira, a konta e revista Billboard ku el a topa ku Madonna durante di ‘Video Music Awards’ na New York. ‘Despues di esaki nos a pasa algun tempu den studio na Los Angeles. Madonna tabata den studio di grabashon i a invitá mi pa bin’.
Pa algun tempu kaba tabatin rumor ku Madonna lo a bolbe produsí músika. Ku tur probabilidat e kantante di 60 aña lo presentá su ‘single’ nobo durante di un festival na Tel Aviv. Siman pasá a bira konosí ku Madonna lo presentá durante dje festival na Tel Aviv.
