WILLEMSTAD.-Den oranan di mardugá tras di lomba, pa mas o ménos 01:50 sentral di polis a haña informashon di un kaso serio ku a tuma lugá na Madero Ocean Club mihó konosí komo Mambo. Mesora a manda patruya di polis pa atendé e kaso. Na yegada di e promé patruya a bin topa ku un hende hòmber ku no ta duna señal di bida mas. Dòkter di polis a konstatá morto 03:10. Mesora a pidi presensia di recherche táktiko i forénsiko pa kuminsá ku e investigashon pa por determiná kousa di morto den e kaso aki. Riba òrdu di Ministerio Publiko a konfiská e kurpa sin bida pa por hasi e investigashon nesesario.

Awe merdia polis a duna di konose ku for di investigashon preliminar a sali na kla ku tabatin un forsageo net algu prome ku a víktima a fayese, pero te ainda tin ku hasi investigashon pa determiná e kousa di morto.
Damen Shiprepair Curaçao awe merdia a konfirmá ku e hòmber ku a fayese na Madero Ocean Club ta tripulante di barku Santiago. E barku ta pa reparashon den A-dok di Damen na e momento aki. Damen ta bisa den un deklarashon ofisial ku nan ta warda pa mas informashon for di polis di Korsou tokante kousa di morto di miembro di tripulashon. Mas detaye den edishon di EXTRA.

 

LAGA UN KOMENTARIO

Please enter your comment!
Please enter your name here