NEW YORK, AP.- Awe 8 di novèmber ta e gran dia pa merikanonan. Elekshonnan 2016 ku ta entre e kandidato demókrata Hillary Clinton i e kandidato republikano Donald Trump. E elekshon aki ta keda konsiderá komo un di esnan mas importante den historia di Merka i por mira esei tambe ora tuma nota ku asta riba medionan sosial lo por sigui e elekshonnan aki.
Televishon ya ta konsiderá di siglo pasa. Empresanan di notisia ta usando Facebook Live, Snapchat, YouTube i otro hèrmèntnan pa informá bibu riba elekshonnan di Merka di forma ku no tabata posibel den pasado.
Haña bo sentro pa vota i mas….
Aló ménos ku ta trata di un merikano ku ya a yega di vota den pasado, awor ta mas fásil pa haña sa unda tin di bai vota. Por buska esaki riba Google “kon vota” i esaki ta hiba e elektor te na unda e tin di bai vota, orario di apertura di e sentronan di votashon i kualke otro rekisito manera un identifikashon. Tambe por lokalisá kon pa yega e direkshon unda tin di bai vota.
Si wak Facebook e ta duna pa kada boleto di votashon i postulashon di vários kandidato i temanan klave. E informashon ta bin di Center for Technology and Civic Life kual tambe ta generá algun di e datonan pa buska riba Google manera “kiko tin riba mi boleto”. Pero pa hasi esaki mester tin un kuenta di Facebook.
Imágennan bibu….
Entre otro kosnan, e usuarionan di Snapchat por mira historianan bibu den e app ku hendenan na e sentronan di votashon, resultadonan, diskursonan di triunfo i derota i selebrashonnan. Na Merka e usuarionan por mira ‘overlays’ kaminda nan por pone nan imágennan.
Kara kara riba Facebook….
NowThis ta un sitio di notisia enfoká den milenio i e lo tin kobertura bibu riba su página di Facebook. CNN lo duna reportahenan bibu den estadonan klave, lo transmití imágennan kapta pa drone den lugánan di vota i reakshon internashonal. Kada ora di 9’or di mainta te 6’or di atardi lo transmití for di lugánan diferente. Despues di 6’or di atardi lo sigui transmití bibu riba Facebbook Live for di vários lugá.
The Washington Post tin plania pa transmití programashon tambe bibu riba nan página di Facebook for di 7’or di anochi. The New York Times tambe lo transmití bibu riba nan ret sosial for di mitar di 5 di atardi for di sentronan di votashon, universidatnan i otronan. Meskos e otro kadenanan di notisia manera Univision, PBS Newshour, Daily Center, ABC News i Vox lo hasi.
Tambe riba Twitter….
Twitter a Sali for di BuzzFeed News pa transmití bibu di e ofisinanan di Buzzfeed na New York for di 6’or di atardi. E ret i mensahenan chikí aki a informá ku e segmentonan lo inkluí kritiká di medionan di notisia tradishonal i reportahenan bibu di periodistanan di BuzzFeed na vários lugá di e pais.
