Awe no ta spera nubianan ku por trese áwaseru signifikante

Awe mainta temporalmente lo bai tin poko mas nubia. Sinembargo no ta spera áwaseru na kantidat signifikante.

Situashon general: Durante e siguiente dianan, e fluho di bientu lo ta unu relahá por spera un oumento leve di humedat. Sinembargo pa djaweps no ta spera nubianan ku por trese áwaseru na kantidat signifikante. Durante fin di siman tin un mihó posibilidat pa algu di áwaseru durante oranan tempran di mainta.

Temperatura máksimo lo alkansá 32°C i temperatura mínimo di 27°C.

Bientu: For di direkshon generalmente ost i moderá; forsa 3 te 4 (12 te 30 km/ora, 7 te 16 nudo).

Kondishon di laman: Trankil te moderá ku altura di olanan entre 0.5 i 1.5 meter (2 pa 4 pia).

Solo ta sali 06:33 i ta baha 18:07.

Sistemanan signifikante di wer tropikal: Ningun.

Fenómeno spesial: Ningun.

Perspektiva te djabièrnè mainta: Parsialmente nublá ku algun áwaseru di durashon kòrtiku.

Pronóstiko di tempu pa Kòrsou i bisindario bálido te djaweps atardi 6 or.

SHARE

LEAVE A REPLY