WILLEMSTAD. – Konforme meteorólogo Correa, t’asina ku durante dia di awe un bes mas lo tin un sentimentu di èkstra kalor.
Temperatura máksimo lo alkansá 34ºC i temperatura mínimo 29ºC.
Bientu lo supla Ost i suak te moderá; forsa 2 te 4 (7 te 30 km/ora, 4 te 16 nudo). De bes en kuando basta fuerte den ráfaga; forsa 5 (31 te 39 km/ora, 17 te 21 nudo).
Pa loke ta trata e situashon general, t’asina ku no ta antisipá muchu kambio den e tempu aktual ku eksepshon di posibilidat di un áwaseru pasahero, wer seku ta prevalesé. Awe tambe durante di dia lo hasi kalor, esaki komo resultado di e humedat i bientu suak te moderá den e region Sur-Karibense.
Kondishon di laman, por lo general moderá ku altura di olanan entre 0.5 i 1.5 meter (2 i 5 pia).
Perspektiva te djasabra atardi, ta parsialmente nublá i ku chèns pa áwaseru.
