WILLEMSTAD.- Awe 10’or di mainta lo ta e último oportunidat, pa kumpra karchi pa e partido entre Kòrsou i Aruba riba día 6 di yüni.
Awe lo tin karchinan optenibel pa sekshon A, B, C, ‘mainstand’, E i Liga Blowi.
Tur fanátiko por kumpra nan karchi via e portal ‘online’, diseñá pa ofresé un eksperensia rápido i sin komplikashon. Pero tambe tin oportunidat pa kumpra karchinan físiko na e lokètnan di Stadion Ergilio Hato. Tene na kuenta ku e kantidat di karchi tantu ‘online’ komo físiko ku lo tin na benta, ta limitá!
Probechá di e último oportunidat pa forma parti di e delaster partido di selekshon nashonal, promé ku nan partisipashon na Mundial. Segurá bo karchi na tempu pa asina bo por disfrutá, di bon futbòl i tremendo ambiente dia 6 di yüni ora Kòrsou topa Aruba 8’or di anochi den Stadion Ergilio Hato.
