Situashon general, awe djaluna mainta e ambiente atmosfériko lo bira algu mas faborabel pa desaroyo di nubia ku por kousa un òf mas áwaseru lokal. Tambe ta spera djaluna gradualmente un oumento den forsa di bientu i esaki na su turno lo desaroyá olanan mas grandi den e laman lokal.
Tempu durante awe djaluna for di mardugá i den dia tin un mihó posibilidat pa áwaseru signifikante.
Temperatura máksimo lo alkansá 31°C i temperatura mínimo di 25°C.
Bientu su direkshon lo ta generalmente ost i suak te moderá; forsa 2 te 4 (7 te 30 km/ora, 4 te 16 nudo). E fluho di bientu di ost ta bira poulatinamente mas fuerte.
Kondishon di laman ta trankil te moderá ku altura di olanan entre 0.5 te 1.5 meter (2 te 4 pia). Debí na e oumento di bientu ta spera djaluna poulatinamente olanan mas haltu ku por bai afektá nos laman nan.
Solo ta sali 06:38 i ta baha 18:08.
Sistemanan signifikante di wer tropikal: Tormenta Tropikal Sebastien ta move den un direkshon nortost riba e parti sentral di Osean Atlántiko nort. E tormenta no ta un menasa pa Kòrsou.
Perspektiva te djamars atardi, de bes en kuando un poko mas nublá ku un òf mas áwaseru lokal.
Pronóstiko di tempu pa Kòrsou i bisindario bálido te djaluna atardi 6 or.
