Kon empresarionan den Otrobanda a pasa den e pandemia. No ménos ku dos lockdown te ainda. Jacqueline Seibald presidente di Sosiedat Komersiantenan di Otrobanda a konta Djasabra nan eksperensia den Otrobanda, El a bisa ku tabata un situashon difísil. E promé lockdown niun hende tabata sa kiko ta bai pasa. ‘Nos a pasa dor di dje i kos a kuminsá drei atrobe, pero e di dos lockdown si tabata hopi difísil. Tur hende su sèn di spar a disparsé i difísil pa habri bek den sentro di siudat i na Kòrsou kompleto. Hendenan ku a habri mester sigui lucha”. Ta kiko por hasi segun Jacqueline, mester sigui lucha.

Nunka pèrdè speransa

Otrobanda semper tin su hendenan ku ta biba einan i semper tin moveshon ku ta krea un ambiente mas agradabel; hende ta bai hospital i kana den Otrobanda. Speransa nunka nos ta pèrdè pero nos ta sigui lucha. Pa futuro tin di kuminsá pensa kon ta bai yama bon bini na tur hende bek. Tin basta plan na kaminda, tin hotèl ta bai habri pronto, tin un bar ta bai habri den kaya, Otrobanda mester tin artesania, pakusnan, horeka i pa komplementá otro pa asina por bai dilanti. Awor aki no ta benefisiando di e bunitesa den Otrobanda.

 

Hopi di ofresé

Otrobanda tin hopi di ofresé. Tantu di historia i no ta show e bunitesa aki na Kòrsou i na mundu, den futuro tin hopi hotèl habriendo den e área, ku ta kliente nobo pa kana den Otrobanda i bisindario. I dikon no artesania, kuminda lokal, un bar lokal manera Neto Bar. Tin sierto lugá manera e basílika ku ta esun mas bieu di Kòrsou. Otrobanda tin masha hopi historia. Tin algu pa tur hende i mester saka eseinan ta lus di dia pa hende sa kiko tin den Otrobanda. Dor di añanan ku no a drecha i no a hasi nada, kos a bai atras. Ta spera ku e gobièrnu nobo lo pone énfasis den Otrobanda. pa trese bek den su gloria.

 

Ta lucha padilanti

Tin basta lugá bashí awor aki den Otrobanda ku no por a habri bèk despues di e di dos lockdown. E sènnan di spar no tei mas i e komersiantenan ku a sera nan negoshi a bai for di Kòrsou, nan a  bai Panama i diferente otro lugá. E ta lamentabel pero nos no ta pèrdè speransa; ta lucha pa bai dilanti.

Mas bibienda den Otrobanda

Jacqueline Seibald ta purba konvensé, ku tur e hotèlnan ku ta bin den e área, tin hopi trahadó ku mester di bibienda i e ta purba konvensé i wak kiko por logra mas bibienda den Otrobanda. Awor ta poko difísil pasobra sèn a bira tiki pero ta interesante pa traha bibiendanan pa stazjèr riba edifisionan. Ta bon pa riba e edifisionan ku hopi bia ta basha, pone apartamentu pa trahadónan den e área. Banda di esei tin turistanan ku ta kana den e área, tin hospital i hopi plan pa futuro pa Otrobanda.

Mantenshon edifisionan monumental

Mantenshon monumentonan si ta un poko difísil. Sra Seibald a splika ku SKO tabata sinta ku Landsloterij pa pinta e gevelnan di edifisionan, pero despues di Pandemia i lockdown tur kos a kambia i kisas den futuro lo hasié pasobra awor no tin sèn mas pe. Den futuro mester atendé ku e parti ei tambe pasobra e lo ta inkreibel pa por pinta e gevelnan. Tambe mester drecha e kayanan pasobra ta habri e kayanan pa hasi trabounan i no ta sera nan bèk, no tin lus ets. Tin problema grandi pero gobièrnu no tin sèn. I apesar di esaki SKO no ta pèrdè speransa i ta sigui padilanti; nan lo sigui purba i sigui traha pa bai dilanti.

Parkermentu

Parkermentu ta un problema grandi den Otrobanda tambe komo parti di sentro di siudat. SKO i DMO a sera kabes pa purba tuma over e meternan di parker. E motibu ta pa generá sèn pa pone bek den sentro di siudat mes. Awor aki no tin entrada i no por hasi aktividat ni drecha nada. Si haña e meternan di parker nan por wak huntu por hasié i hinka e sèn bèk den Otrobanda. I nan lo ta transparente pasobra tur hende lo wak unda e sèn ta bai i gobièrnu lo haña  su sèn tambe. E asuntu di meternan no a keda kla ainda.

 

Empresario tene kuenta; esaki e mihó tempu pa invertí

Loke e empresario tin di tene kuenta kuné awor aki ta ku awor ta e mihó tempu pa invertí, mihó tempu pa konstruí. Mihó tempu pa ora tempu bon bin bo ta kla. No sinta warda kos bon bin. Bo tin di sigui padilanti, wak kiko ta bin dilanti i tin speransa ku Kòrsou ta bai drecha bek den un pa dos aña. “Esaki ta mi pais i nos tin di traha pa nos pais. Tur hende tin di traha pa su pais i no ami so ni e empresario so pero mi mester di trahadó i mi mester di hende. Awor e mihó tempu pa invertí i pa sigui padilanti pa futuro di Kòrsou”, sra Seibald a terminá bisando.

LAGA UN KOMENTARIO

Please enter your comment!
Please enter your name here