WILLEMSTAD.- Resientemente Percey ‘Boskwiri’ Benita a estrená su komedia nobo pa entretené pueblo di Kòrsou.
“Ba Hink’é Sak’é Awó” ta un obra humorístiko ku un mensahe hopi fuerte, sin palabra malu ku a keda estrená den Sala Norman de Palm, ántes Teatro Luna Blou.
E obra humorístiko ta konta e historia di Mavis i su famia. Marvis ta un señora ku ta bai tur dia Casino poniendo na riesgo su Famia. E ta laga su yu muhé Liesje hasi kosnan pa e por haña sèn. Filisifo su yu hòmber a kai prezu pa atrako i Filo su kasá ta tur dia na chino bebiendo huntu ku su amigu Mariachi.
Mavis a gasta tur sèn den Casino i lubidá di paga koriente di kas. Kas ta suku i e tin ku inventá algu pa Filo no ripará ku ta gasta el a gasta tur sèn. Pa yega na sèn Mavis tabatin te hasta e idea magnífiko pa laga su ihá bende karchi di Carwash na Supermarket pa e por haña algu di sèn pa asina e por paga gastunan di kas i si sobra pa e bai Casino kuné.
Riba foto algun imágen durante dje presentashon dje obra. Keda pendiente pa e siguiente presentashon dje obra “Ba Hink’é Sak’é Awó”.
