Bakunashon a evitá morto di 135 hende mas durante pandemia

460

WILLEMSTAD.- ‘Durante pandemia di Covid-19 Kòrsou a kuminsá ku un trayekto hopi grandi di bakunashon. Nos a kuminsá na tempu ku esaki. Te ainda e investigashon na e konsekuensianan di nos maneho no ta kla ainda, pero nos por bisa ku e trayekto di bakunashon a evitá fayesementu di hopi mas hende.’ Asina prof. Ashley Duits, hefe di e programa di bakunashon na Kòrsou, a bisa den un entrevista ku EXTRA.
Italia, djárason mainta, a duna di konosé ku e programa di bakunashon a prevení ku 50 % mas di tur hende ku ku a fayesé dor di Covid-19 (150.000 persona) lo a pèrdè nan bida. Segun Duits na Kòrsou e investigashon ta mustra ku tambe nos ta riba un porsentahe di 50 %. Ku ta nifiká ku e trayekto di bakunashon na Kòrsou a evitá fayisementu di 135 persona mas. Esaki ta 50 % di tur 270 hende ku a fayesé dor di Covid-19 den e último dos aña.
Duits ta enfatisá ku investigashon no ta kompletamente kla ainda, pero e sifra ta mustra den e direkshon. Tambe Duits a splika ku e trayekto di bakunashon a evitá ku mas hende mester a bai hospital. Tambe e bakunashon tin komo konsekuensia ku ménos hende awor tin ‘Long Covid’.

LAGA UN KOMENTARIO

Please enter your comment!
Please enter your name here