Polisnan pará banda di e trapi ku e ladronnan a usa komo left pa yega na e piso kaminda nan a hòrta den e museo Louvre.
PARIS, Fransia (AFP).- E prendanan hòrtá den e museo di El Louvre djadumingu último tin un balor kalkulá di 88 mion euro, ekivalente na 102 mion dollar, segun e prokuradó dje museo Laure Beccuau. “E prokuradó di Louvre ta kalkulá e dañonan na 88 mion euro”, un montante “ekstremadamente espektakular” pero ku “no ta nada kompará ku e dañonan históriko”, segun e fiskal na e kadena di radio RTL.
El a sigurá ku e ladronnan “lo no gana e montante ei si ta e intenshon pa nan smèlt e hoyanan”.
“Kisas nos por spera ku nan lo reflekshoná i no destruí e hoyanan ei sin motibu”, di akuerdo ku e fiskal. Mas aleu el a bisa di “ta spera ku interes pa sa di parti di polis asuntunan relashoná ku markanan di dede. “Nan ta keda analisá”.
Beccuau a konfirmá e sifra di “kuater persona identifiká komo presentenan na e sitio”. Puntrá riba eksistensia di eventual kómplisenan interno den e museo mas bishitá na mundu, Beccuau a respondé ku “no por kontestá esei ku un si òf un no” na e momento aki.
E ladronnan tabatin mester di solamente algun minüt pa drenta den e galeria di Apolo hasiendo uso di left, pa despues kibra vários vitrina instalá den 2019 i bai ku e prendanan. Den nan huida nan a laga un dje piesanan kai.
