BOGOTA, AP.- Lidernan indígena a informá ku e eks magistrado spañó Baltasar Garzon lo media entre e gobièrnuiepoblashon indígena ku ta eksigí retiro di e aktornan arma den un zona konfliktivo na sùitwèst di e region kolombiano.
“Nos ta wardando riba dje, nos tin un reunion kuné programa den e guardia indígena di e munisipio di Miranda”, asina e presidente di Asosiashon Indígena di Nort Cauca, James Yatacue a bisa den un diálogo telefóniko ku The Associated Press.
Garzon ta na Bogota i por yega den e zona den djis algun ora.
Yatacue a bisa ku outoridatnan indígena ta spera di por sosialisá ku e eks magistrado spañó den un propuesta pa pasifiká e region, ku entre otro puntonan banda di e retiro di FARC. Tambe nan ke logra pa skucha nan demanda pa para Forsa Públiko ku ya pa ocho dia kaba ta den kombate.
E akshonnan arma ta afektá algun 115.000 indígena den nuebe munisipio na nort di e departamentu di Cauca.
Segun Yatacue, Garzon lo papia ku e presidente di repúblika pa despues papia ku mandatarionan riba e diferente demanda ku e pueblo indígena tin.
E presidente Juan Manuel Santos a mustra su postura al respekto djasabra bisando: “no tin e posibilidat di mas chikí pa ordená pa kita militar ni un centimeter di nos teritorio”.
El a agregá tambe ku “e forsa públiko tin e obligashon di protehá kada centimeter di e pais”.
E lider nativo a sigurá ku e guardia sivil indígena di e zona, di 3.000 miembro, tin e kapasidat di mantené kòntròl teritorial i tambe na momentu ku e gueria retirá. Pa esaki outoridatnan indígena a manda karta na e hefe máksimo di FARC.
