UPDATE – Aqualectra awe mainta a duna di konosé ku tur su klientenan na Banda Bou a keda rekonektá
For di Pannekoek te Westpunt
WILLEMSTAD.- Basta reklamo a yega mesa di redakshon di EXTRA pa loke ta trata interupshon di koriente den área di Banda Bou. EXTRA a bai buska informashon i a haña di komprondé di e kompania di utilidat ku un ‘fuse’ grandi ku ta hasi e konekshon di vòltahe haltu a bula den área di Banda Bou. Komo konsekuensia di esaki klientenan for di Pannekoek te Westpunt ta sin koriente.
E kompania ta splika ku téknikonan ta trahando riba e situashon kaba i spera di por keda kla mas lihé posibel i asina sòru pa rekonektá hinter e área atrobe.
