WILLEMSTAD – Loke a kuminsá komo e kareda di kangreu (crab race) anual di Baoase, a kaba den un atardi magnífiko aya den e paraiso na Marie Pampoen. Tur aña Baoase ta organisá e evento aki riba e promé dia di aña kaminda estimado turistanan ku ta hospedá na Baoase por disfrutá ku shampaña. Invitadonan por skohe i paga pa nan kangreu, i tur fondo rekoudá ta doná na Ronald McDonalds House Charities Curaçao.
E aña aki, empleadonan di Baoase a bende kasi 100 kangreu i a rekoudá kasi 6 mil dòler na e evento ku a tuma lugá riba nan playa. Pa rekoudá mas fondo, e Director of Sales and Marketing, Sue-Anne Klabér, a sorpresá invitadonan ku un subasta di 2 anochi den un di nan akomodashonan mas luhoso, kaminda a logra rekoudá 5 mil dòler adishonal. Despues ku a koroná e ganadornan, General Manager, Thijs van der Valk a hasi un donashon generoso, na nòmber di famia van der Valk.
Konmoví pa e generosidat i a balornan ku RMHC ta para pe, un famia ku residensia lokal a hasi un donashon signifikante ku a inspirá 5 famia ku ta hospedá na Baoase pa hasi donashon, pa alkansá e kantidat supstansial di 50 mil dòler pa Ronald McDonald House Charities Curaçao.
